بسم الله والصلاة والسلام على رسول الله......
بعد تردد انباء عن حدوث كوارث يوم لقاء القمة,,,,سبب ذلك الذعر والخوف للجميع...
وربنا يستر....
<<<<<<<<<<<<
يوم الماتش الصبح...:
(صوت التلفزيون)........
سيداتى انساتى ساداتى,,,من ملعب (الأحلام),,يسعدنا ان ننقل لكم مبارة القمة,,بين قطبى الكرة المصرية,,نادييى القرن,,الأهلى والزمالك...
ومن الاستديو التحليلى للقاء يسعدنا وضع تصورات للخطة وتحليل ماقبل المباراة..مع كباتن مصر...الكابت(شرف)..و الكابتن (نزيه)....
>>>>>>>>>>>>>>>
ياااااااا...ده الماتش شكله حيفوتنى..سرحت شوية..وفكرت كده لو انا مكان المدرب اللى بيضع خطة المبارة.....حقول ايه وكلامى حيكون مين,,,,لا ياعم وانا مالى....
انا مالى ازاى بس,,,اصل لو حصل خسارة لفرقتى حزعل اوى,,,خسارة لفرقتى...!!!؟؟؟؟
ده انا طلعت انانى اووى,,يعنى لو فرقتى كسبت بس دينى خسر,,ولا بلدى خسرت,,ولا خسرنا روح,,حكون فرحان برضه..؟؟!!
لقيتنى خايف بصراحة.. وبفكر ياترى الماتش حينتهى على ايه,,,وسط الاجواء المشحونة دى والمؤشرات غير الطيبة...
خوفى على بلدى ودينى و اخواتى خلانى اتكلم,,وافكر...
ياترى بعد الماتش حتكون الدنيا معدية على خير وسلام..؟؟ طيب يا ترى اصلا حيكون فى حسناتى ولا سيئاتى,,,(اه معلش اصل نسيت اقولكم ان اى حاجة بنقولها او نعملها بنتحاسب عليها)...
عشان كده خفت جدا...ولقيت نفسى بقدم لاخواتى حبايبى,,دعوة وخطة...
دعوة لحاجة نعملها...وخطة نمشى عليها....عشان بجد نطلع كلنا كسبانين.....
الدعوة,,...
دعوة لعدم التعصب,,دعوة للعقل,,
بجد وكلام رجالة,,,مينفعش اى حاجة تحصل تبوز صورتنا اكتر من كده,,مينفعش نكره بعض اكتر من كده,,مينفعش نتشحن اكتر من كده....تعالوا فعلا نبعد عن التخريب والافعال الطايشة...
ياشباب رجولتك بجد بحكمتك,,ورجولتك وشجاعتك فى افعالك...
انت لما تخسر وتشتم وتتنرفز,,انت مش بتضايق منافسك..بالعكس...عايز تضايقه(بس بينى وبينك ها)..ابتسم بعد الهزيمة وشجع فريقك واقف جنبه...
تعالوا بعقولنا نفكر ونحسبها..
..معادلة بسيطة..
(4 او 5 ساعات سب وشتايم+انفلات اعصابى وتعب جسدى+تضييع للصلوات+احد الفريقين فاز وانتهى الماتش= انت شيلت سيئات,,اعصابك انهارت فى كلا الحالتين,,اللاعبين بعد الماتش حبايب وكمان بيقبضوا..!!!!)
بجد معادلة خسرانة...
مش عيب اننا نشجع ياجماعة,,وبتعصب كمان,,بس التعصب المحب والمفيد لفريقك..شجع بقوة...لكن العيب بجد نخرج بصورة سيئة للمباراة...
تعالى علشان منطولش ندخل على الخطة,,,
خطة النهردة خطة بسيطة وسهلة,,مش محتاجة معسكر تدريبى ولا جرعات بدنية زيادة,,
حتطلع منها كسبان,,مفيش خسران..الفريقين فايزين,,والأهم الجمهور كمان..
نبدأ الاول (بالتسخين)..
. يَا أَيُّهَا الَّذِينَ آمَنُوا اتَّقُوا اللَّهَ وَقُولُوا قَوْلاً سَدِيداً *
يُصْلِحْ لَكُمْ أَعْمَالَكُمْ وَيَغْفِرْ لَكُمْ ذُنُوبَكُمْ وَمَنْ يُطِعِ اللَّهَ وَرَسُولَهُ فَقَدْ فَازَ فَوْزاً عَظِيماً...
مفيش اى حرف يغضب ربنا حيطلع من لسانى,,,ومش حعمل اى حاجة ممكن تخرب بلدى...
(اهم التعليمات)....
1_ اوعى تقع فى (الأوف سايت),,,وتحرز جول ولكن ميتحسبش,,,!!!..
عارف امتى..؟؟لما تعمل حاجة وتفكر انها كويسة ورجولة وانك بتعلى فرقتك,,وتروح فى الاخر لربنا فيعاقبك عليها...
2_ اياك و (الأوت)...لما تتنرفز فتخرج عن شعورك واحترامك لنفسك...
3_ اوعى تكون (خارج التشكيل)...لما تلاقى كل الناس المتحابين فى الله الخلوقين,,ماسكين فى ايد بعض تحت ظل عرش الرحمن ومنتظرين دخولهم الجنة,,,وانت مستنى حسابك لوحدك...
4_ اوعى (الهجمة المرتدة),,تفضل تشتم وتسب وتقوم بأفعال خاطئة,,ويجيلك ملك الموت يقبض روحك على اللى كنت بتعمله..
بعد التعليمات,,يالا (اختار مركزك)...
((حارس مرمى.)).......عايزينك حرس مرمى تقدر بعلمك واخلاقك تدافع عن دينك ضد اى تصويبة,,وتحمى صورته امام الناس اللى بيضحكوا علينا,,عايزينك تحمى بلدك من اى هجمة خارجية....
((خط دفاع))..........تدافع عن دينك وبلدك ضد اى هجوم....(بالعلم والخبرة والحكمة)....
((خط وسط))...........دايما تكون العاقل الهادى المعتددل,,اللى يقدر يحل اى مشكلة بين اخوانه..ويكون حلقة وصل طيبة...
((خط هجوم))............تتعلم وتنجز وتجيب لدينك وبلدك أهداف كثيرة تتحفر باسمك فقط...وتكون سبب تقدمنا...
((احتياطى))..........لأى حد كبير غاب عننا,,تقول للعالم ان الاسلام له رجاله ولا يمكن يتأثر,,وان مصر دايما ولادة لأسود تحميها...
(الخطة والتشكيل).....
حنلعب النهردةبطريقة( 3 - 5-2 )......
((الثلاثى الخلفى))....
1_ (لا للتعصب)..: .للا للتعصب والتعدى على حقوق الاخرين ظنا بانه واجبنا وحقنا....
2_ (لا للبذاءة والسب)... قال رسول الله صلى الله عليه وسلم: "ليس المؤمن بالطعان ولا اللعان ولا الفاحش ولا البذيء"...كما قال الحياء من الإيمان والإيمان في الجنة ؛ و البذاء من الجفاء والجفاء في النار «
3_ (لا للسيئات الجارية)... فكرتك فى ابتكار نشييد او تشجيع جديد تكون بتسب به المنافس,,متفرحش به اوى...لان ده حيفضل سئات جارية فى ميزانك حتى بعد وفاتك...
((خماسى الوسط))...
1_ (حفظ اللسان).. عن أبي موسى الأشعري قال: قلتُ يا رسولُ اللّه، أيُّ المسلمين أفضلُ؟ قال: "مَنْ سَلِمَ المُسْلِمُونَ مِنْ لِسانِهِ وَيَدِهِ"...كما قال على النجاة..."امسك عليك لسانك"...مش حشتم ولا يعلى صوتى الا لخير...
2_ (التقوى والمراقبة)..تعرف ان الله معك فى كل مكان وقول وفعل,,فتراقبه,,وتستحى منه..وتكون عبدا محسنا""تعبد الله كأنك تراه فان لم تكن تراه فانه يراك"..ياترى سيراك ربك وانت تسب ولا بتضرب مسلم..؟؟
3_ (حسن الخلق).. " قالوا : يا رسول الله من أحب عباد الله إلى الله ؟ قال : أحسنهم خلقا "..." سئل النبي صلى الله عليه وسلم عن أكثر ما يدخل الناس الجنة , فقال : تقوى الله وحسن الخلق "..وايضا قال " إن من أحبكم إلي وأقربكم مني مجلسا يوم القيامة أحسنكم أخلاقا "...ياترى تحب تكون قاعد جنب النبى فى الجنة,,ولا جنب رونالدو فى(اللى بالى بالك)....
4_(الرضا)..ارضى بما يقسمه الله لك,,سواء مكسب او خسارة,,فكل قضاء الله خير...
5_(المؤاخاة)....حب لأخيك ماتحب لنفسك,,,,النهردة اخوك كسب وفرح,,يأخى اعتبر نفسك مكانه,,يفرح شوية,,وبكرة باذن الله انت تفرح,,وهكذا الدنيا تمشى...صح..وصدقنى لو رضيت ده لوحده شعور يفرحك...
((ثنائى الهجوم))
(دينى)...اوعى تخسر دينك بمباراة,,,اوعى تخسر دينك بأرجل لاعبين,,,اوعى تحت دينك تحت الأقدام...
حبيبى فى الله,,احفظ الله يحفظك....ولا تبدل الطيب بالخبيث...
(بلدى)...اياك تكون صورة سيئة لبلدك,,وتفرح الشمتانين فينا,,والناس تقول هما دول المصريين,,,
بالله عليك اسمعها منى...
وخد بالك اوووى من اللى حقوله دلوقت...
يقول الله تعالى
وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ بِئْسَ الاِسْمُ الْفُسُوقُ بَعْدَ الْإِيمَانِ....
ويقول عليه الصلاة والسلام ..
يصف هؤلاء الذين يفعلون هذا الفعل .. قال: (سباب المسلم فسوق )..
فسوق: أي: خروج عن طاعة الله جل وعلا ..
بص معايا كلمة الفسوق,,وكما ذكرنا معناها..ذكرت فى ايه,,,السب,,والمناداة بالقاب مكروهة او المعايرة بعيب موجود فى الشخص الاخر((واظن مااكثرها فى مباريات الكرة)...
ياترى ياشباب ترضى تكسب مباراة او جولة,,,وتخسر طاعة الله.....؟؟؟؟
ازاى يارجالة,,فين عقولنا...
ترضى ان امك او اختك تكون قاعدة جنبك وانت بتشتم...؟؟؟اكيد لا لانك راجل ودمك حر...
طيب يااخويا ما امهاتنا واخواتنا بيكونوا امام الشاشات وفى الاستاد كمان,,,,
حبيبى فى الله بلدنا مش ناقصة انتكاسات ,,,ده احنا فينا اللى مكفينا,,متخليش الحاجة اللى الشعب المصرى بيفضى همومه فيها ,,تبقى حاجة محرمة,,,
ارجوك فكر بعقلك...واعمل اللى يمليه عليه ضميرك بعد الكلمتين دول,,,,
شاهد,,وشجع فريقك,,,ونفس طاقتك كلها,,,بس فى الحلال اللى يرضى ربنا,,ويكون راضى عنك به...
يارب نطلع كلنا حبايب واخوات....ويارب الفوز والنصر والفرح للجميع,,وقبل منهم الاسلام,,وبلدنا مصر...
يالاااااااااا,,,فوقنى صوت الصفارة...
السلام عليكم بقى الماتش حيبدأ,,,وانا حاخد كتف قانونى...قبل ماتزهق منى....
اه نسيت اقولكم,,بالنسبة لخطة الماتش....ماليش دعوة...مش لاعب....انا مش ححط حاجة...لا لا ربنا معاكم ياكباتن....ده الموضوع صعب...
بحبكم فى الله...
واسيبكم مع الخطة البديلة....