قصة مؤلمة عن مقتل خالد سعيد

خالد محمد سعيد
شاب مصري عنده 28 سنه من منطقة كليوباترا بالاسكندريه
و صاحب مكتب استيراد و تصدير
كان قاعد في نت كافيه في وقت متاخر بالليل
و دخل بتوع المباحث بيفتشوا كل اللي قاعدين باستخدام قانون الطوارئ..

خالد اعترض و قال احنا بنتفتش ليه

كان تمن السؤال البرئ ده ان اتنين مخبرين مسكوه و نزلو فيه ضرب في المحل و في الشارع و في مدخل عماره جنب النت كافيه
ولما فقد وعيه قعدوا يخبطوا وشه في الرخام بتاع السلم و في مدخل العماره علشان يفوق
أخدوه وهو جثه و حطوه في البوكس و بعد 15 دقيقه رجعوا رموه ف الشارع لما إكتشفوا إنه مات

كل واحد فينا ممكن يكون خالد

خالد ماكانش ليه علاقه بالسياسه من قريب او بعيد زى معظم المواطنين المصريين
ولا عمره انضم لاى تيار او حزب سياسى
لكن ده ما منعهومش من تعذيبه وقتله
بلطجة الداخليه واحده بإستخدام قانون [ندعوك للتسجيل في المنتدى أو التعريف بنفسك لمعاينة هذا الرابط]مش بتفرق بين سياسى و مواطن عادى

يا ترى هانسكت ؟
الفيديو الذى قتل بسببه [ندعوك للتسجيل في المنتدى أو التعريف بنفسك لمعاينة هذا الرابط]سعيد

الفيديو ده عبارة عن ظبطية احراز 80 كيلو حشيش وفلوس من محطة قطر سيدي جابر .. المفروض الاحراز دي بتتسلم للنيابة هي والفلوس .. البشوات بيقسمو شوية عليهم وبيشوفو ايه اللي هتتسلم للنيابة والفلوس طبعا قسموها عليهم .. دي فضيحة ليهم بصورهم وعشان كده قتلو خالد
اذا لم يحركنا الدم فمتى نتحرك ؟

دلوقتي والدته قالت في جريده الشروق خالد الله يرحمه كان ع موبايله الفيديو ال بيدين الظابط والمخبرين
وكانت نبهته اكتر من مرة انه يخرج نفسه من الموضوع ده وملوش دعوه عشان هم لو عرفوا مش هيسبوه ف حاله
وقد كان وبعد ما الفديو انتشر بينه وبين صحابه واتسرب من بين ايديهم بدأو في مراقبته وابتدعوا قصة التفتيش المفاجىء
دي عشان يستفزوا بطريقه غير مباشرة ويستهدفوا ده من ناحية ومن ناحية تانية ميبينوش ان في حاجه مبيته لخالد وان هو مكنش هدفهم الاساسي

الله يرحمه يااااااااارب .....

» الطريق الى الله قصة مؤلمة من رحلت الموت للشيخ محمود المصرى
» الملتقي الجنة _ خالد الراشد
» جميع خطب الشيخ خالد الراشد الجزء1
» تلاوة تجنن العقل .. الشيخ خالد الجليل .. سورة الأنعام
» خالد طلعت يكتب: روح التوأم طلعت روح الأهلاويه